بغداد: عراقی فضائی حملے میں دولت اسلامیہ کانائب امیر اور جنگی امور کا وزیر ایاد الجميلی ساتھیوں سمیت ہلاک ہوگیا۔
تفصیلات کےمطابق دولت اسلامیہ کےسربراہ ابوبکر البغدادی کا دست راست اور جنگی امور کا وزیر ایاد الجميلی عراق میں بمبازی کے دوران ساتھیوں سمیت ہلاک ہوگیا۔
عراقی حکام کےمطابق فضائیہ کے لڑاکا طیاروں نے شام کی سرحد سے متصل علاقے القیم میں کارروائی کی جس کے نتیجے میں ایادالجمیلی سمیت داعش کے دیگر رہنما بھی مارے گئے۔
عراقی سرکاری ٹی وی کے مطابق فضائی حملے میں مارا جانے والا کمانڈر ایادالجمیلی داعش کی اندرونی سیکیورٹی یونٹ کا سربراہ تھا جبکہ وہ 2003 تک عراقی آرمی میں انٹیلی جنس آفیسر کی خدمات بھی انجام دے چکا ہے۔
خیال رہےکہ عراقی فوج نےشامی سرحد کے قریب واقع القائم شہر پررواں برس جنوری میں قبضہ کیا تھا۔
مزید پڑھیں: بغداد میں خودکش دھماکہ‘ 14افراد ہلاک
یاد رہےکہ دو روز قبل عراق کےدارالحکومت بغداد میں حملہ آور نےخود کودھماکہ خیز مواد سے اڑا لیاتھاجس کےنتیجے میں 14افراد ہلاک ہوگئےتھے۔
مزید پڑھیں: عراق میں شادی کی تقریب میں دھماکے‘26افراد ہلاک
واضح رہےکہ گزشتہ ماہ عراق کے ایک گاؤں میں شادی کی تقریب کے دوران دو خودکش دھماکوں کے نتیجے میں کم ازکم 26افراد جان کی بازی ہارگئےتھے۔
