عراق : اجتماعی قبروں سے365داعش جنگجوؤں کی لاشیں برآمد -
The news is by your side.

Advertisement

عراق : اجتماعی قبروں سے365داعش جنگجوؤں کی لاشیں برآمد

بغداد : عراق کے قصبے بیجی سے انیس اجتماعی قبروں سے تین سو پینسٹھ داعش جنگجوؤں کی لاشیں برآمد ہوئیں.

مشرق وسطی میں داعش کی دہشت گردانہ سرگرمیوں نے دنیا کے امن پسندوں میں تشویش کی لہر دوڑا رکھی ہے، داعش دہشت گردوں کی ہلاکتوں کی خبریں آئے دن آتی رہتی ہیں مگر کوئی نہیں جانتا کہ داعش دہشت گرد کہاں ،کب اور کیسے دفنائے جاتے ہیں.

داعش کے دہشت گرد شام اور عراق میں اپنی دہشت گردی کو موثر بنائے ہوئے ہیں، داعش دہشت گردوں کی ہلاکتوں کے بعد ان کے دفنانے کا معمہ اس وقت سامنے آیا جب عراقی فوج کےاعلیٰ افسر نے پریس کو داعش کے دہشت گردوں کی قبروں سے متعلق آگاہ کیا.

فوجی افسر کے مطابق بغداد سے دو سو کلومیٹر دور بیجی کے علاقے سے داعش کے شدت پسندوں کی نامعلوم لاشیں برآمد ہوئی ہیں، البتہ یہ لاشیں کتنی پرانی ہیں یہ واضح نہ ہوسکا۔

رپورٹ کے مطابق گزشتہ سولہ ماہ سے عراق کے قصبے بیجی میں عراقی فورسز اور داعش کے جنگجوؤں کے درمیان لڑائی جاری ہے، جس کےباعث بیجی کا علاقہ مکمل طور پر تباہ ہوچکا ہے.

Comments

comments

یہ بھی پڑھیں