site
stats
عالمی خبریں

دبئی سے 4بھارتی شہری ڈی پورٹ کردیئے گئے

دبئی : چار بھارتی شہریوں کو شدت پسند تنظیم داعش کا لٹریچر سوشل میڈیا میں پھیلانے پر ڈی پورٹ کردیا گیا۔

بھارتی میڈیا کے مطابق داعش کے لئے کام کرنے والے چاربھارتی شہریوں کوڈی پورٹ کردیا گیا ہے، جنہیں بھارت پہنچتے ہی گرفتار کرلیا گیا، ان بھارتی شہریوں کی گرفتاری سینتیس سالہ خاتون افشاں جبیں کی حیدرآباد دکن میں حراست کے بعد عمل میں آئی۔

افشاں جبیں کو ابوظہبی سے دولت اسلامیہ کے لیے نوجوانوں کی بھرتی کے لیے بھارت بھیجا گیا تھا۔

بھارتی شہری داعش کے فیس بک گروپ کے رکن تھے اور داعش کا لٹریچر فیس بک پر پھیلا رہےتھے، ڈی پورٹ کئے گئے بھارتی شہریوں میں ایک غیر مسلم بھی شامل ہے۔

اس سے قبل بھی متحدہ عرب امارات نے داعش سے تعلق کے شبہے میں آٹھ بھارتی شہریوں کو ڈی پورٹ کیا ہے جبکہ امکان ظاہر کیا گیا ہے کہ داعش کے لئے کام کرنیوالے مزید بھارتی ڈی پورٹ کئے جاسکتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top