اسلام آباد : وفاقی دارلحکومت میں بارش کے بعد اسلام آباد ایئرپورٹ کی چھت ایک بارپھر ٹپکنے لگی تاہم چھت کےنیچے بالٹیاں رکھ دی گئیں۔
تفصیلات کے مطابق اسلام آباد میں بارش کے بعد ایئرپورٹ کی چھت ایک بار پھر ٹپکنے لگی، جس کے بعد ایئرپورٹ انتظامیہ نے ٹپکتی چھت کے نیچے بالٹیاں رکھ دیں۔
اربوں مالیت سے بننے والے ایئرپورٹ کی چھت کی مرمت چند سال قبل ہی کی گئی تھی، اس کے باوجود بارش میں چھت کا ٹپکنا ایک بار پھر انتظامیہ کے دعووں پر سوالیہ نشان بن گیا ہے۔
View this post on Instagram
اس صورتحال میں بین الاقوامی اوراندرون ملک آمد لاؤنج پر مسافروں کو مشکلات کا سامنا رہا اور بیرون ملک جانے والی پرواز کی بورڈنگ بھی شروع نہ ہوسکی۔
مسلسل تاخیر پر مسافروں کا احتجاج کیا اور ایئرلائن کے کاؤنٹر کا گھیراؤکرلیا، مسافروں کا کہنا تھا کہ ساڑھے آٹھ بجے شیڈول پرواز کا وقت رات 10 بجے بتایاگیا ،دس بجے کےبعدبھی بورڈنگ شروع نہ ہونے سے مسافر پریشان نظر آئے۔
