اسلام آباد : مبینہ زیادتی کیس میں غیر ملکی ہونے کی دعویدار خاتون کے بائیو میٹرک میں اہم انکشاف سامنے آیا اور وہ بیلجیئم کے بجائے راولپنڈی کی رہائشی نکلی۔
تفصیلات کے مطابق اسلام آباد میں غیر ملکی ہونے کی دعویدار خاتون سے مبینہ زیادتی کیس کی تفتیش میں اہم پیش رفت سامنے آئی۔
غیرملکی ہونے کی دعویدار خاتون کا نادرا سے بائیومیٹرک کرالیا گیا، بائیومیٹرک میں انکشاف ہوا کہ خاتون غیر ملکی نہیں بلکہ پاکستانی شہری اور راولپنڈی کی رہائشی ہے۔
- Advertisement -
اس سے قبل بیلجیئن سفارتخانے نے بھی خاتون کےبیلجیئم کی شہری ہونےکی تصدیق نہیں کی تھی ، خاتون بیلجیئم میں رہتی تھیں اور دوہزار انیس میں نائیکوپ ایکسپائر ہوچکا تھا۔
پولیس کا کہنا ہے خاتون تفتیش میں تعاون نہیں کررہی، خاتون تھانہ آبپارہ کی حدود سے ملی تھی اور اس کے ہاتھ پاؤں بندھے ہوئے تھے۔
