اسلام آباد: آئی 8 کچنار پارک میں ڈکیتی مزاحمت پر فائرنگ کے نتیجے میں لڑکا اور لڑکی زخمی ہوگئے۔
تفصیلات کے مطابق اسلام آباد کے سیکٹرآئی ایٹ میں واقع کچنار پارک میں ڈاکوؤں نے مزاحمت پر فائرنگ کرکے لڑکی اور نوجوان کوزخمی کردیا اور فرار ہوگئے۔
پولیس کا کہنا تھا کہ کچنار پارک میں ڈاکوؤں نے تنہا لڑکی سے پرس اور موبائل فون چھیننے کی کوشش کی ، لڑکی نے مزاحمت کی تو ڈاکوؤں نے اس پر گولی چلادی۔
جس کے بعد پارک میں موجود نوجوان نے لڑکی کو بچانےکی کوشش کی تو ڈاکوؤں نے اسے بھی ٹانگ میں گولی مار کر زخمی کردیا۔
پولیس نے زخمیوں کو اسپتال منتقل کرکے تفتیش شروع کردی ہے۔
مزید پڑھیں : اسلام آباد میں پاکستانی نژاد غیر ملکی ڈکیتی مزاحمت پر زخمی
یاد رہے وفاقی دارلحکومت میں پاکستانی نژاد غیر ملکی ڈکیتی مزاحمت پر زخمی ہوگیا تھا، متاثرہ غیرملکی شہری نے بیگ ، فون چھیننے پر مزاحمت کی جس پر ملزمان نے فائرنگ کی تھی۔
بعد ازاں پولیس نے ڈکیتی کی دفعات پرمقدمہ درج کیا تھا ، ایف آئی آر میں کہا گیا تھا کہ شہری کو تین مسلح موٹر سائیکل سواروں نے روک لیا، مسلح ملزمان نے گن پوائنٹ پر دوست سے موبائل چھینا۔
