اسلام آباد: شہر اقتدار ان دنوں شدید گرمی کی لپیٹ میں ہے، گرمی میں اضافے کے سبب ہیٹ ویو کاخدشہ پیدا ہوگیا ہے۔
اے آر وائی نیوز کے مطابق سیکریٹری ایجوکیشن محی الدین وانی نے کہا ہے کہ گرمی کی شدت میں اضافے کے باعث وفاقی تعلیمی اداروں کے اوقات کار تبدیل کردیئے گئے ہیں۔
سیکریٹری ایجوکیشن کے مطابق وفاقی تعلیمی ادارے صبح ساڑھے 7 سے ایک بجے تک کھلیں گے، گرمیوں کی چھٹیوں تک نئے اوقات کار فوری طور پر لاگو کردیئے گئے ہیں۔
سیکریٹری ایجوکیشن کے مطابق اوقات کار میں تبدیلی کامقصد اسٹوڈنٹس اور اساتذہ کاتحفظ ہے۔
دوسری جانب محکمہ موسمیات کا کہنا ہے کہ کراچی میں موسم آج بھی گرم اور مرطوب رہیگا، دن کے اوقات میں درجہ حرارت 38 ڈگری تک رہنے کا امکان ہے۔
سی ٹی ڈی اور حساس ادارے کی کارروائی، کالعدم تنظیم کا دہشت گرد گرفتار
محکمہ موسمیات کے مطابق گرمی کی شدت 41 سے 42 ڈگری تک محسوس کی جاسکتی ہے، کم سے کم درجہ حرارت 28 ڈگری ریکارڈ کیا گیا ہے۔
