fake-police اسلام آباد : مبینہ پولیس مقابلہ، ایک شخص ہلاک، اہلکاروں سے تفتیش
The news is by your side.

Advertisement

اسلام آباد : مبینہ پولیس مقابلہ، ایک شخص ہلاک، اہلکاروں سے تفتیش

اسلام آباد : مبینہ پولیس مقابلے میں کار سوار جاں بحق ہوگیا، اہلکاروں کے بدلتے بیانات نے معاملہ الجھا دیا، چار پولیس اہلکاروں سے تھانہ شہزادٹاؤن میں تفتیش کی جارہی ہے۔

تفصیلات کے مطابق اسلام آباد کے علاقے راول ٹاﺅن میں مبینہ پولیس مقابلے کے نتیجے میں ایک شخص جاں بحق جبکہ دوسرا زخمی ہوگیا۔

پولیس کے ہاتھوں پراسرار قتل پر اہلکاروں نے پہلے کہا کہ ناکے پر نہ رکنے پر کارسواروں پر فائرنگ کی۔ بعد ازاں بیان میں دعویٰ کیا گیا کہ کارسواروں نے پہلے فائرنگ کی تھی، جس کے جواب میں فائرنگ کرنا پڑی۔

فائرنگ کرنے والے اہلکاروں نے کہا کہ جوابی فائرنگ سے عنایت نامی شخص مارا گیا، اس کا تعلق راولپنڈی کے علاقے ٹینچ بھاٹہ سے بتایا جاتا ہے۔

پولیس اہلکاروں کا کہنا ہے کہ فائرنگ سے اعجاز حسین شاہ زخمی ہوا جسے پولی کلینک اسپتال منتقل کیا گیاہے، واقعے کے عینی شاہدین کا کہنا ہے کہ گاڑی ناکے پر رکی تھی لیکن پھر بھی پولیس نےفائرنگ کی، گاڑی پر گولیوں کے نشانات بھی موجود ہیں۔

بعد ازاں پولیس نے ڈیوٹی پر موجود چار اہلکاروں کو شامل تفتیش کر لیا گیا ہے جس میں جاوید،جمیل ولی قیوم ستی اور موبائل وین کا ڈرائیورشامل ہیں، قائم مقام ایس ایس پی ملک مطلوب اہلکاروں کے بیانات ریکارڈ کررہےہیں۔

Comments

comments

یہ بھی پڑھیں