اسلام آباد : اسلام آباد ہائی کورٹ نے جسٹس بابر ستار اور ان کی فیملی کا ذاتی ڈیٹا لیک ہونے کے معاملے پر بڑا قدم اٹھالیا۔
تفصیلات کے مطابق اسلام آبادہائیکورٹ کے جسٹس بابر ستار اور ان کی فیملی کا ذاتی ڈیٹا لیک ہونے کے معاملے پر وزارت خارجہ کے ذریعے سماجی رابطےکی ویب سائٹ ایکس چیف لیگل آفیسر کو خط لکھ دیا گیا۔
ہائیکورٹ رجسٹرار نےوزارت خارجہ اور امریکہ میں پاکستانی ہائی کمیشن کے ذریعے خط لکھا، ایکس چیف لیگل آفیسر کو اسلام آبادہائیکورٹ لارجر بینچ کی ہدایت پر رجسٹرار نے خط لکھا گیا۔
خط میں ایکس سےپاکستانی تحقیقاتی اداروں کومتعلقہ معلومات فراہم کرنےکی درخواست کی گئی ہے۔
عدالتی ذرائع کا کہنا ہے کہ خط میں کہنا تھا کہ ایکس اپنا نمائندہ ہائی کورٹ کے سامنے بھیجنا چاہے توبھیج سکتا ہے ، ایکس اگر نمائندہ بھیجتا ہے تو قابل تعریف عمل ہو گا۔
خط میں مزید کہا گیا ہے کہ ہائیکورٹ جج جسٹس بابرستار اور انکی فیملی کا ذاتی ڈیٹا ایکس پرلیک ہوا ،ایکس ڈیٹا لیک کرنے والے کے اکاؤنٹ کی شناخت میں معاونت کریں۔
ہائیکورٹ رجسٹرار نے کہا کہ منظم مہم تھی تو اس کے لنکس کےحوالےسے بھی ایکس معاونت کرے ، ایکس کی جانب سے یوکے ،بھارتی حکومتوں کو معاونت دینے کا حوالہ بھی خط کاحصہ ہیں۔
وزارت خارجہ ،پاکستانی ہائی کمیشن امریکاخط کی سروس کرا کررپورٹ جمع کرائیں، پاکستان کےتحقیقاتی اداروں کی جانب سےنشاندہی کئے گئے اکاؤنٹس کی تفصیلات بھی منسلک کی گئی ہے۔
