site
stats
پاکستان

گورنرسندھ کی تعیناتی اسلام آباد ہائیکورٹ میں چیلنج

اسلام آباد: سابق چیف جسٹس آف پاکستان سعید الزمان صدیقی کی بطور گورنر سندھ تعیناتی کو اسلام آباد ہائیکورٹ میں چیلنج کردیا گیا۔

تفصیلات کےمطابق اسلام آباد ہائیکورٹ میں درخواست گزارکی جانب سے دائر کی گئی درخواست میں موقف اختیار کیا گیا ہے کہ آئین پاکستان کےمطابق سابق چیف جسٹس رکن قومی اسمبلی نہیں بن سکتا۔

ہائیکورٹ میں دائردرخواست میں کہاگیا ہےکہ جسٹس (ر) سعید الزمان صدیقی رکن قومی اسمبلی نہیں بن سکتے توانہیں گورنر کیسے تعینات کیا جاسکتا ہے۔

درخواست گزار کا موقف ہے کہ گورنر سندھ کی تعیناتی قانون کے منافی ہےاسی لیےانہیں گورنر سندھ کے عہدے سے ہٹایاجائے۔

خیال رہے کہ 9 نومبر 2016 کو صدر مملکت ممنون حسین نے وزیراعظم نواز شریف کی ایڈوائس پر نئے گورنر سندھ کے تقرر کی منظوری دے دی تھی۔

مزید پڑھیں:سعید الزماں صدیقی نے گورنرسندھ کا حلف اٹھا لیا

یاد رہے کہ جسٹس ریٹائردسعید الزماں صدیقی نے 11 نومبر 2016 کو سندھ کے 31 ویں گورنر کے طور پر حلف اٹھایا تھا۔

مزید پڑھیں: گورنرسندھ کی اچانک طبیعت خراب، آئی سی یو میں داخل

اس سے قبل گورنر کا عہدہ سنبھالنے کے بعد ہی سعید الزماں صدیقی کو 13 نومبر کو سانس لینے میں تکلیف ہوئی تھی جس کے بعد انہیں اسپتال منتقل کیاگیاتھا۔

مزید پڑھیں:گورنرسندھ کی تعیناتی لاہور ہائی کورٹ میں چیلنج

واضح رہے کہ 12نومبر کوسابق چیف جسٹس آف پاکستان جسٹس ریٹائرڈ سعیدالزماں صدیقی کی بطور گورنرسندھ تعیناتی لاہور ہائی کورٹ میں چیلنج کی گئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top