بانی پی ٹی آئی عمران خان کے وکیل و فوکل پرسن انتظار حسن پنجوتھہ کی بازیابی کے بعد اٹک پولیس نے انہیں اسلام آباد پولیس کے حوالے کردیا۔
تفصیلات کے مطابق اسلام آباد کے تھانہ کوہسار میں انتظار حسن پنجوتھہ کے مبینہ اغوا و لاپتہ ہونے کا مقدمہ درج ہے، ایس پی سٹی اسلام آباد پولیس نفری کے ساتھ اٹک پہنچے اور انتظار حسین پںجھوتہ کو حفاظتی تحویل میں لیکر اسلام آباد لےآئے۔
واضح رہے کہ ا انتظار حسن پنجوتھہ کو اٹک کے تھانہ صدر حسن ابدال پولیس نے اغوا کاروں سے بازیاب کرایا تھا، اغوا کار کراس فائرنگ کرتے ہوئے گاڑی چھوڑ کر ویرانے میں فرار ہوگیے تھے۔
انتظار حسن پنجوتھہ گاڑی سے ہاتھ پاؤں بندھے حالت میں بازیاب ہوئے تھے، اسلام آباد پولیس ا انتظار حسن پنجوتھہ کی تھانہ کوہسار کے مقدمے میں بازیابی ڈال کر رپورٹ عدالت میں پیش کرے گی۔
پولیس کا کہنا ہے کہ انتظار حسن پنجوتھہ سے حاصل ہونے والی معلومات کی روشنی میں اغوا کاروں کی گرفتاری کے کیے تفتیش کو بھی آگے بڑھایا جائے گا۔
انتظار حسن پنجوتھہ نے بازیابی کے بعد ابتدائی بیان میں بتایا تھا کہ ملزمان دو کروڑ روپے کا مطالبہ کرتے رہے، کوہسار پولیس نے انتظار پنجوتھہ کو الصبح اہلخانہ کے حوالے کر دیا، کوہسار پولیس گزشتہ رات انتظار پنجوتھہ کو حسن ابدال پولیس سے لیکر آئی تھی۔
