The news is by your side.

Advertisement

اسلام آباد پولیس کا پی ٹی آئی کے رہنما امین گنڈاپور کیخلاف مقدمہ درج

اسلام آباد : پولیس نے خیبرپختونخوا کے وزیر امین گنڈا پور کیخلاف مقدمہ درج کرادیا ، ایف آئی آر میں قانون کی خلاف ورزی اور ناجائز اسلحہ رکھنے کی دفعات شامل کی گئی ہیں۔

تفصیلات کے مطابق ناجائز اسلحے رکھنے اور قانون توڑنے کے الزام میں اسلام آباد پولیس نے خیبر پختونخوا کے وزیرِمال اور پی ٹی آئی کے رہنما علی امین گنڈا پور کیخلاف مقدمہ درج کرلیا ہے، مقدمہ پولیس اہلکار یونس کی مدعیت میں تھانہ بارہ کہو میں درج کیا گیا۔

مقدمے میں غیرقانونی اسلحے اور انسدادِ منشیات کی دفعات درج کی گئی ہیں، ایف آر میں علی امین گنڈا پور پر دفعہ ایک سو چوالیس کی خلاف ورزی کا بھی کا الزام لگایا گیا ہے۔

ایف آر متن کے مطابق تحریک انصاف کے رہنما کو بنی گالہ کے قریب رخسانہ بنگش روڈ پر روکا گیا تو وہ پولیس کو دیکھ کر گاڑی سے اتر کر فرار ہوگئے، پولیس نے گاڑی کی تلاشی لی تو اس میں سے اسلحہ، بلٹ پروف جیکٹس اور شراب کی بوتل برآمد ہوئی تھی۔


مزید پڑھیں : علی امین گنڈاپور کی گاڑی سے اسلحہ برآمد


یاد رہے کہ گذشتہ روز سابق صوبائی وزیر کے پی کے اور تحریک انصاف کے رہنما علی امین گنڈا پور اپنے ساتھیوں کے ہمراہ بنی گالا جا رہے تھے کہ راستے میں کلمہ چوک پر پولیس نے ان کی گاڑی کی تلاشی لی اور گاڑی سے بھاری مقدار میں اسلحہ اور شراب کی بوتلیں برآمد کر لیں۔

دوسری جانب علی امین گنڈا پور نے پولیس کے موقف کو رد کرتے ہوئے کہا کہ میری گاڑی میں گارڈز نہیں پولیس والے تھے اور اسلحہ لائسنس یافتہ ہے اور میرے استعمال میں ہے جب کہ شہد کی بوتل کو شراب کی بوتل بنادی گئی۔

Comments

comments

یہ بھی پڑھیں