اسلام آباد: وفاقی پولیس کے اہلکاروں کا سرکاری اسلحہ سے ڈکیتی کا انکشاف سامنے آگیا ہے۔
تفصیلات کے مطابق اسلام آباد تھانہ روات پولیس نے پیٹرولیم ایجنسی پر ڈکیتی کے 2 ملزمان کو گرفتار کرلیا، گرفتار ملزمان نے دوران تفتیش طارق محمود اور محمد عمران کے نام بتائے ہیں۔
اسلام آباد پولیس کے مطابق طارق محمود اور محمد عمران اسلام آباد سی ٹی ڈی میں تعینات ہیں، دونوں اہلکار ڈکیتی کیلئے سرکاری اسلحہ اور وائر لیس استعمال کرتے تھے۔
گزشتہ ماہ بھی ڈاکوؤں کی سرپرستی پر برطرف وفاقی پولیس اہلکاروں سے متعلق نئے انکشاف سامنے آئے تھے، اسلام آباد پولیس کے افسران و اہلکار مسلح ڈکیتیوں میں ملوث ڈاکوؤں کے سہولت کار نکلے تھے، انکوائری کے بعد افسران اور اہلکار وں کو سرکاری نوکریوں سے فارغ کر دیا گیا تھا۔
