اسلام آباد : وفاقی دالحکومت میں پولیس نے محرم سے قبل دہشت گردی کا منصوبہ ناکام بناتے ہوئے سنگجانی سے ہینڈگرنیڈ ،ڈیٹونیٹر،خودکش جیکٹ کا سامان برآمد کرلیا۔
تفصیلات کے مطابق وفاقی دارلحکومت کو بڑی تباہی سے بچالیا گیا، اسلام آباد پولیس نے انٹیلی جنس بیسڈ آپریشن کے دوران سنگجانی سے ہینڈ گرنیڈ ، ڈیٹونیٹر اور خودکش جیکٹ کا سامان برآمد کرلیا.
ترجمان پولیس نے بتایا کہ روزانہ کی بنیاد پر انٹیلی جنس بیسڈآپریشنز کیے جارہے ہیں، سنگجانی میں آپریشن کےدوران ملزمان فائرنگ کرتے ہوئے فرار ہوگئے لیکن پولیس نے علاقے کو گھیرے میں لیکر مزید نفری کی مدد سے تلاش شروع کردی ہے۔
اسلام آباد پولیس کا کہنا تھا کہ جائے وقوعہ سےکلاشنکوف، ہینڈگرنیڈ ، ڈیٹونیٹر، تاراور خودکش جیکٹ کا سامان تحویل میں لیا ہے اور بم ڈسپوزل اسکواڈ کو طلب کرکے بارودی مواد کو ناکارہ کر دیا گیا ہے۔
ترجمان کے مطابق ملزمان کی تلاش کیلئے ٹیمیں تشکیل دے دی گئی ہے اور آپریشن جاری ہے۔
