اسلا آباد: بنی گالا میں چیئرمین پی ٹی آئی عمران خان کی رہائشگاہ کی طرف جانے والے راستے کو پولیس نے بند کردیا۔
اے آر وائی نیوز کے مطابق پی ٹی آئی کے چیئرمین عمران خان کی رہائشگاہ بنی گالا جانے والی سڑک کو آج سہ پہر اساتذہ کے احتجاج کے باعث پولیس نے بند کردیا گیا۔
ذرائع کے مطابق بنی گالا میں پارٹی اجلاس میں شرکت کرنے کے لیے جانے والے پی ٹی آئی رہنماؤں کو مشکلات کا سامنا کرنا پڑا۔
واضح رہے کہ پی ٹی آئی کا پارٹی اجلاس 13 اگست کو پریڈ گراؤنڈ میں ہونے والے جلسے سے متعلق حکمت عملی طے کرنے کے لیے منعقد کیا گیا تھا۔
اس سے قبل پی ٹی آئی نے قومی اسمبلی کے نو حلقوں پر ضمنی انتخابات کے لیے الیکشن کمیشن کی جانب سے شیڈول جاری کرنے کو بھی چیلنج کرنے کا فیصلہ کیا تھا۔
یاد رہے کہ قومی اسمبلی کے اسپیکر کی جانب سے پی ٹی آئی کے 11 ارکان اسمبلی کے استعفے منظور کیے جانے کے بعد یہ نشستیں خالی ہوئی تھیں۔
خیال رہے کہ پی ٹی آئی نے وفاقی حکومت کو عام انتخابات کا اعلان کرنے کے لیے 48 گھنٹے کا الٹی میٹم دیا تھا بصورت دیگر پی ٹی آئی اپنے مزید لائحہ عمل کا اعلان کرے گی۔
