اسلام آباد : وفاقی دارلحکومت اسلام آباد میں بین الاقوامی معیار کا سفاری پارک بنانے کا فیصلہ کرلیا، ایف نائن پارک میں سفاری پارک بنایا جائے گا۔
تفصیلات کے مطابق چیئر مین سی ڈی اے محمد علی رندھاوا کی زیر صدارت اسلام آباد میں سفاری پارک کے قیام کے حوالے سے اجلاس ہوا ۔
اجلاس میں سی ڈی اے کے بورڈ ممبران، ایف سی ڈی او کے نمائندوں اور دیگر افسران نے شرکت کی۔
چئیر مین سی ڈی اے محمد علی رندھاوا نے کہا کہ وفاقی دارلحکومت میں بین الاقوامی معیار کا سفاری پارک بنایا جائے گا، جس سے سیاحت میں اضافہ ہوگا۔
محمد علی رندھاوا نے کہا کہ ایف نائن پارک میں دیگر سہولیات میں بھی اضافہ کیا جا رہا ہے، ایف نائن پارک میں سفاری پارک کے قیام کے حوالے سے ایف سی ڈی او تکنیکی معاونت فراہم کرے گا۔
سفاری پارک کے قیام کے لئے بین الاقوامی معیار کے حامل سفاری پارکز کو بھی مدنظر رکھا جائے گا۔
