راولپنڈی: پاکستان سپر لیگ میں ہونے والے سنسنی خیز مقابلے میں اسلام آباد یونائیٹڈ نے ملتان سلطانز کو آخری بال پر شکست سے دوچار کردیا۔
تفصیلات کے مطابق پی ایس ایل کے نویں ایڈیشن میں بھی سنسنی خیز مقابلے جاری ہیں گزشتہ تین دنوں میں یہ تیسرا میچ ہے جس کا فیصلہ بالکل آخری لمحات میں ہوا۔ ملتان سلطانز 229 رنز کا بڑا ہدف دینے کے باوجود میچ ہار گئی۔
اسلام آباد یونائیٹڈ نے آخری بال پر ہدف حاصل کرتے ہوئے ملتان سلطانز کو تین وکٹوں شکست دی، فاتح سائیڈ کو آخری دو بالز پر 7 رنز درکار تھے۔ عماد وسیم سیکنڈ لاسٹ بال پر چھکا اور آخری بال پر چوکا لگاتے ہوئے ہدف کا حصول ممکن بنایا۔
اس سے قبل شاداب اور کولن منرو نے 141 رنز کی طوفانی شراکت قائم کی، کولن منرو نے 40 گیندوں پر 84 رنز کی جارحانہ اننگز کھیلی جبکہ کپتان نے 31 گیندوں پر54 رنز اسکور کیے۔
اس سے قبل ملتان سلطانز نے 4 وکٹوں کے نقصان پر 228 رنز اسکور کیے تھے، عثمان خان نے لاٹھی چارج کرتے ہوئے 50 گیندوں پر اپنی دوسری سنچری اسکور کی تھی۔
فتح کے ساتھ ہی اسلام آباد یونائیٹڈ کی ٹیم نے پاکستان سپر لیگ 9 کے پلے آف مرحلے کیلئے کوالیفائی کرلیا ہے۔
