کراچی: اسٹیٹ بینک آف پاکستان کا کہنا ہے کہ اسلامی بینکاری کے اثاثوں میں سنہ 2021 سے اب تک 1.3 ٹریلین روپے کا اضافہ ہوچکا ہے، اسلامک بینکنگ کے اثاثوں میں اضافہ نجی و سرکاری شعبوں کی سرمایہ کاری کی وجہ سے ہوا۔

تفصیلات کے مطابق اسٹیٹ بینک آف پاکستان کا کہنا ہے کہ اسلامی بینکاری کے اثاثوں میں سنہ 2021 سے اب تک 1.3 ٹریلین روپے کا اضافہ ہوگیا، اسلامک بینکنگ اثاثے 2021 میں 5 ہزار 577 ارب روپے پر پہنچ گئے۔

اسٹیٹ بینک کا کہنا ہے کہ سنہ 2020 میں یہ اثاثے 13 سو 8 ارب روپے پر تھے، ڈپازٹ 822 ارب روپے بڑھ کر 4 ہزار 211 ارب پر پہنچ گئے۔

رپورٹ میں کہا گیا کہ اسلامک بینکنگ کے اثاثوں میں سنہ 2021 کے دوران 30.6 فیصد کا اضافہ ہوا جبکہ ڈپازٹس میں 24.2 فیصد کا اضافہ ہوا۔

اسٹیٹ بینک کے مطابق اسلامک بینکنگ کے اثاثوں میں اضافہ نجی و سرکاری شعبوں کی سرمایہ کاری کی وجہ سے ہوا۔