اسلام آباد: قومی احتساب بیورو (نیب) کی طرف سے ملزمان کو ہتھکڑیاں پہنانا غیر شرعی قرار دے دیا گیا.
تفصیلات کے مطابق نیب کی جانب سے ملزمان کو ہتھکڑیاں پہنانے کے خلاف اسلامی نظریاتی کونسل نے قرارداد پاس کر دی.
اسلامی نظریاتی کونسل کی جانب سے موقف اختیار کیا گیا ہے کہ یہ پاکستانی قانون کی خلاف ورزی ہے.
اسلامی نظریاتی کونسل نے اپنی قرارداد میں کہا کہ نیب ان اقدامات سے باز رہے، ملزمان کی ہتک عزت تکریم انسانیت کے منافی ہے.
خیال رہے کہ نیب کیس میں گرفتار ہونے والے بیش تر سیاست دانوں اور ان کی پارٹیوں کی جانب سے یہ الزام عائد کیا جاتا رہا ہے کہ دوران تفتیش ان کی عزت نفس کو مجروح کیا جاتا ہے.
مزید پڑھیں: چیئرمین نیب کا اسد منیر کی خود کشی کی تحقیقات خود کرنے کا فیصلہ
یاد رہے کہ چند روز قبل دفاعی تجزیہ کار اسد منیر کی خود کشی کا معاملہ سامنے آیا تھا. خود کشی کے بعد ان کا چیف جسٹس کے نام ایک خط میڈیا کی زینت بنا، جس میں انھوں نے نیب کے طریقہ کار پر شدید تنقید کی.
چیف جسٹس کی جانب سے اس واقعے کا نوٹس لیا گیا، بعد ازاں چیئرمین نیب جسٹس (ر) جاوید اقبال نے اس کیس کی تفتیش اپنی نگرانی میں کرنے کا اعلان کیا.
