مظفر آباد: حلقہ ایل اے 35 جموں 2 سے مسلم لیگ ن کے امیدوار محمد اسمعٰیل گجر نے شکست کے خوف سے بھارت سے مدد مانگنے اور حالات خراب کرنے کی دھمکی دے دی۔
تفصیلات کے مطابق حلقہ ایل اے 35 جموں 2 سے مسلم لیگ ن کے امیدوار محمد اسمعٰیل گجر نے حدیں پار کردیں اور دشمن کی زبان بولنے لگے۔
لیگی امیدوار نے شکست کے خوف سے بھارت سے مدد مانگنے اور حالات خراب کرنے کی دھمکی دے دی۔
انہوں نےکہا کہ الیکشن میں حرکتیں کیں تو بھارت کو پکاروں گا، حالات خراب ہوئے، لوگ مرے تو ذمہ دار انتظامیہ ہوگی، ہمارا کیمپ اکھاڑا گیا، ہم دھاندلی نہیں ہونے دیں گے۔
محمد اسمعٰیل گجر کا کہنا تھا کہ میں بھارت کو پکاروں گا، آپ سے اچھے وہ ہیں۔
