اسلام آباد : پاکستان نے حماس رہنما اسماعیل ہنیہ کی شہادت کی شدید مذمت کرتے ہوئے کہا ان کے اہلخانہ اور فلسطینی عوام سے تعزیت کا اظہار کیا۔
تفصیلات کے مطابق پاکستانی دفتر خارجہ کی جانب سے حماس رہنمااسماعیل ہنیہ کی شہادت پر بیان میں کہا گیا کہ پاکستان ایران میں اسرائیل کے اقدام کی مذمت کرتاہے۔
ترجمان دفترخارجہ نے حماس رہنما کے اہلخانہ اور فلسطینی عوام سےتعزیت کااظہارکرتے ہوئے کہا کہ پاکستان ہرقسم کی دہشت گردی کی مذمت کرتا ہے۔
دفترخارجہ نے کہا کہ ایران کے صدر کی حلف برداری تقریب میں اسحاق ڈاربھی شریک ہیں، پاکستان خطےمیں بڑھتی اسرائیلی مہم جوئی پر گہری تشویش کا اظہار کرتا ہے۔
ترجمان نے مزید کہا کہ پہلےسےہی عدم استحکام کاشکارخطےمیں ایک خطرناک اضافہ کیاگیا، اسرائیل کےاقدام سےامن کی کوششوں کو نقصان پہنچا ہے۔
