راولپنڈی: آئی ایس پی آر نے اے پی ایس شہدا کے لیے نیا نغمہ جاری کردیا ہے، نغمے میں ہمیں آگے ہی جانا ہے کہ ٹائٹل سے مثبت پیغام دیا گیا ہے۔
تفصیلات کے مطابق سانحہ آرمی پبلک اسکول کے شہدا کی چوتھی برسی کے موقع پر آئی ایس پی آر کی جانب سے نیا نغمہ جاری کیا گیا ہے جس میں دشمن کی چالوں میں نہ آنے کا پیغام دیا گیا ہے۔
نئے نغمے میں ساتھ رہنے، آگے بڑھنے کا عزم، سب کو ملکی ترقی میں شامل ہونے، علم کے سورج کے طلوع ہونے کا پیغام بھی دیا گیا ہے۔
We are a resilient nation, our enemies shall never succeed. Nations evolve through struggles, determined ones succeed. We are succeeding, united & steadfast we shall attain our objectives of enduring peace and prosperity, IA.#ہمیں_آگے_ہی_جانا_ہےhttps://t.co/bMzXduVn5p pic.twitter.com/dHOdUTidmi
— Maj Gen Asif Ghafoor (@OfficialDGISPR) December 16, 2018
سانحہ اے پی ایس کے نغمے میں اپنے شہدا کو نہ بھولنے اور ملکی یکجہتی، ہم آہنگی کا پیغام دیا گیا ہے۔
ڈی جی آئی ایس پی آر میجر جنرل آصف غفور نے کہا کہ ہم پرعزم قوم ہیں، دشمن کبھی کامیاب نہیں ہوں گے، قومی جدوجہد اور یقین محکم سے کامیاب ہوتی ہیں۔
میجر جنرل آصف غفور نے کہا کہ ہم متحد ہیں اور کامیاب ہوں گے، امن اور خوشحالی کے اہداف انشا اللہ حاصل کرکے رہیں گے۔
قبل ازیں آرمی چیف جنرل قمر جاوید باجوہ نے سانحہ اے پی ایس کے شہدا کو سلام پیش کرتے ہوئے کہا تھا کہ قوم نے خطرات کا سامنا کرتے ہوئے بھاری قیمت ادا کی ہے۔
ان کا کہنا تھا کہ قوم نے اس کامیابی کے حصول کی بھاری قیمت چکائی ہے، ہم متحد ہیں، پاکستان کو آگے لے کر جائیں گے، انشا اللہ پاکستان کو امن و استحکام کی منزل تک پہنچائیں گے۔
