تربت: سیکیورٹی فورسز کا آپریشن، چار دہشت گرد ہلاک، چھ اہل کار شہید
The news is by your side.

Advertisement

تربت: سیکیورٹی فورسز کا آپریشن، چار دہشت گرد ہلاک، چھ اہل کار شہید

راولپنڈی: سیکیورٹی فورسزنے تربت کے علاقے بلیدہ میں خفیہ اطلاع پرآپریشن کیا.

پاک فوج کے شعبہ برائے تعلقات عامہ (آئی ایس پی آر) کے مطابق سیکیورٹی فورسزنے بلوچستان کے علاقے تربت میں آپریشن کیا.

 آپریشن بلیدہ  کے  علاقے میں  کیا گیا، فورسز نے بھرپور کارروائی کی، دوران آپریشن گاڑی دہشت گردوں کی نصب کردہ بارودی سرنگ سےٹکرا گئی.

بارودی سرنگ کے حادثے میں‌ چھ سیکیورٹی اہل کار شہید ہوگئے. آئی ایس پی آر کے مطابق سیکیورٹی فورسزکی جوابی کارروائی میں چار دہشت گرد مارے گئے.

آئی ایس پی آر کے مطابق شہدا میں کرک کے رہائشی نائب صوبیدار گل شہادت، سپاہی انور، لکی مروت کے نائیک لعل خان، لودھراں کے نائیک ساجد، تونسہ شریف کے سپاہی محمد نواز، سیالکوٹ کے سپاہی سجاد شامل ہیں۔

 

مزید پڑھیں: بلوچستان میں دہشت گردی کا بڑا منصوبہ ناکام

یاد رہے کہ آج ہی کے روز  بلوچستان کے شہر تربت میں  سیکیوڑٹی اہل کاروں نے اہم کارروائی کرکے بھاری مقدار میں اسلحہ، گولہ بارود اور تخریب کاری کا مواد برآمد کیا تھا۔

پولیس کا کہنا ہے کہ مغوی شخص کی نشان دہی پر تربت پولیس نے سٹلائٹ ٹاؤن میں ایک بنگلے میں کارروائی کرکے بھاری مقدار میں اسلحہ، گولہ بارود اور تخریب کاری کا مواد برآمد کیا

Comments

comments

یہ بھی پڑھیں