The news is by your side.

پاک فوج کا کامیاب آپریشن : لکی مروت اور سوات میں 3 دہشت گرد ہلاک

پشاور : خیبرپختونخوا کے ضلع لکی مروت اور سوات میں پاک فوج نے پولیس کے ہمراہ خفیہ آپریشن کیا اور اس دوران فائرنگ کے تبادلے میں تین دہشت گرد مارے گئے۔

پاک فوج کے شعبہ تعلقات عامہ(آئی ایس پی آر) کا کہنا ہے کہ پاک فوج نے لکی مروت کے علاقے میں دہشت گردوں کی موجودگی کی خفیہ اطلاعات پر آپریشن کیا۔

آپریشن کے دوران ہونے والے فائرنگ کے تبادلے میں 2 دہشت گرد مارے گئے، دہشت گردوں کے قبضے سے اسلحہ وگولیاں برآمد ہوئی ہیں۔ آئی ایس پی آر کے مطابق مارے گئے دہشت گرد فورسز پرحملوں اور ٹارگٹ کلنگ میں ملوث تھے۔

علاوہ ازیں سیکیورٹی فورسزنے ضلع سوات کے علاقے چارباغ میں خفیہ اطلاعات پر آپریشن کیا، فورسز نے ہائی پروفائل دہشت گرد کی ممکنہ موجودگی پر کامیاب کاروائی کی۔

آئی ایس پی آر کے مطابق آپریشن کے دوران دونوں جانب سے فائرنگ کا تبادلہ ہوا جس کے نتیجے میں ایک دہشت گرد مارا گیا۔

ہلاک دہشت گرد کے قبضے سے جدید ہتھیار اورگولیاں بھی برآمد ہوئی ہیں، ہلاک دہشت گرد فورسزکے خلاف دہشت گردی کی سنگین وارداتوں میں ملوث تھا۔

علاقہ مکینوں نے پاک فوج کے آپریشن کو سراہتے ہوئے علاقے سے دہشت گردی کے مکمل خاتمے کیلئے اپنے مکمل تعاون کی یقین دہانی کرائی ہے۔

Comments

یہ بھی پڑھیں