راولپنڈی : آئی ایس پی آر نے مختصر فلم ’’فرشتے‘‘ریلیز کردی ہے، یہ فلم آپریشن ضرب عضب پر بنائی گئی ہیں۔
آئی ایس پی آر ذرائع کا کہنا ہے کہ آپریشن ضرب عضب پر بننے والی مختصر فلم ’’فرشتے‘‘ ریلیز کر دی گئی ہے، اس مختصر فلم میں پاک فوج کے جوانوں اور شہداء کو خراج تحسین پیش کیا گیا ہے۔
ISPR – Defence Day Short Film "Farishtay" https://t.co/0y3pFvCN25
— ISPR (@ISPR_Official) September 8, 2016
مختصر دورانیے کی فلم میں دیکھایا گیا ہے کہ دہشت گرد ایک شخص پر مخبر ہونے کا الزام لگا کر اس کو سزائے موت کی سزا سناتے ہیں جبکہ اس شخص کی بیٹی یہ سارا منظر بوجھل دل اور نم آنکھوں سے دیکھ رہی ہوتی ہے پھر دہشتگرد اس شخص کو مار دیتے ہیں اور بیٹی کو مجبورََا اپنے باپ کی لاش خود دفنانی پڑتی ہے۔
دہشت گرد بیٹی کو باپ کی لاش دفنانے پر ایک قید خانہ میں قید کردیتے ہیں اور کئی کوششوں کے باوجود وہ قید سے باہر نہیں نکل پاتی، پھر ایک دن اچانک پاک فوج کے جوان ، دہشت گردوں پر حملہ کردیتے ہیں اور گولیاں کی بوچھاڑ میں کئی دہشت گرد مارے جاتے ہیں۔
پاک فوج کا ایک جوان قید بیٹی تک پہنچ جاتا ہے اور پھر منظر بدل جاتا ہے۔
