اسرائیل نے مشرقی تہران میں دوبارہ فضائی حملے کیے ہیں۔
ایرانی میڈیا کے مطابق اسرائیل کی جانب سے تازہ حملوں میں دارالحکومت تہران کے مختلف علاقوں میں دھماکے سنائی دے رہے ہیں۔
اسرائیلی فوج نے ایکس پر جاری بیان میں کہا ہے کہ تازہ حملوں میں ایرانی عسکری تنصیبات کو نشانہ بنایا جا رہا ہے۔
تصاویر دریافتی با شرح: "انفجار در حوالی فرودگاه پیام در ماهدشت کرج"#Iran #israel pic.twitter.com/xKh1J3vK9j
— Vahid Online (@Vahid) June 18, 2025
جمعہ سے ایران پر حملوں کے آغاز سے اب تک گیارہ سو ہدف کو نشانہ بنانے کا دعویٰ کیا گیا ہے جب کہ ایران نے بھی بھرپور جوابی کارروائی کرتے ہوئے تل ابیب سمیت مختلف شہروں پر 400 سے زائد میزائل داغے ہیں۔
روسی نیوز ایجنسی طاس اور واشنگٹن پوسٹ کے مطابق گزشتہ روز اسرائیلی وزیر اعظم کے مشیر دمتری گینڈل مین نے ایک بلیٹن میں کہا کہ ایران نے حالیہ کشیدگی کے دوران اسرائیل پر تقریباً 400 میزائل داغے ہیں۔
اسرائیلی حکومت نے کہا کہ ایران کی طرف سے داغے گئے 400 میزائلوں میں سے صرف 35 کا اثر ہوا ہے– یعنی انھیں روکنے میں اسرائیل کی کامیابی کی شرح 90 فی صد سے زیادہ ہے۔ حکومت نے کہا کہ ان حملوں میں 24 افراد ہلاک اور 600 سے زیادہ زخمی ہو چکے ہیں۔
