تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

مظلوم فلسطینیوں کو خوف میں مبتلا کرنے کی اسرائیل کی نئی کوشش

غزہ: فلسطین میں قابض اسرائیلی فورسز کی جارحیت کا سلسلہ تاحال جاری ہے، جبکہ غاضب فوج نے نہتے شہریوں کو خوف میں مبتلا کرنے کے لیے نئی کوششیں شروع کردیں۔

تفصیلات کے مطابق غزہ کی پٹی کے قریب اسرائیلی فورسز کی بڑے پیمانے پر مشقیں جاری ہیں، جس کا مقصد علاقے میں خوف وہراس پھیلانا اور فلسطینیوں پر رعب برقرار رکھنا ہے۔

غیر ملکی خبر رساں ادارے کا کہنا ہے کہ فلسطین علاقے غزہ کی پٹی کی سرحد کے قریب اسرائیلی فوج کی بری اور فضائی فورسز نے وسیع پیمانے پر مشقیں شروع کردیں جس کے باعث علاقے میں خوف وہراس پھیل گیا۔

یہ مشقیں غزہ کی سرحد کے مشرقی، جنوبی اور وسطی مقامات پر جاری ہیں، غزہ کی سرحد کی دوسری جانب موجودہ آبادکاروں کی کونسل کے مطابق غزہ کی سرحد پر اسرائیلی فوج کی گاڑیوں اور موٹرسائیکلوں پر وسیع پیمانے پر نقل وحرکت دیکھی گئی۔

اس کے علاوہ اسرائیلی فوج کے ہیلی کاپٹروں کی پروازیں اور جنگی طیاروں کی نچلی پروازیں بھی دیکھی گئی ہیں، جس کا مقصد مظلوم فلسطینیوں کی آزادی تحریک کو ناکام کرنا اور ان کے دلوں میں ڈر پیدا کرنا ہے۔

فلسطین میں اسرائیلیوں کی تخریب کاری و دہشت گردانہ کاررائیاں کم نہ ہوسکیں، گزشتہ روز مغربی کنارے کے جنوبی شہر بیت لحم میں ناجائز صیہونی ریاست اسرائیل کے شہری نے فلسطینی خاتون کو بے دردی سے شہید کردیا۔

بیت لحم میں یہودی آباد کار نے فلسطینی خاتون کو گاڑی تلے روند کر شہید کردیا

یاد رہے کہ کچھ روز قبل غزہ میں اسرائیلی فوج نے ایک بار پھر نہتے اور پرامن مظاہرین پر بلا اشتعال فائرنگ کرکے پندرہ سالہ فلسطینی لڑکے کو شہید کردیا تھا۔

Comments

- Advertisement -