امریکی اخبار واشگنٹن پوسٹ کے مطابق اسرائیلی ریزرو فوجی فلسطین میں جنگ کے لیے جانے سے کترانے لگے ہیں۔
امریکی اخبار واشنگٹن پوسٹ کی رپورٹ میں بتایا گیا ہے کہ اسرائیلی فوج فلسطین میں پیچھے ہٹنے لگی ہے، اسرائیلی فوجی ایک سال سے زائد عرصے کے بعد بڑھتی تھکاوٹ سے دوچار ہیں۔
فوجی خدمات کے لیے بلائے گئے اسرائیلی فوجی بھی جوائننگ نہیں دے رہے۔
رپورٹ کے مطابق اسرائیلی فوج نے اعتراف کیا ہے کہ اکتوبر سے ریزرو فوجیوں کی تعداد میں 15 فیصد کمی ریکارڈ کی گئی ہے۔
دوسری جانب اسرائیل اور حزب اللہ جنگ بندی پر ابتدائی طور پر رضامند ہو گئے ہیں۔
اسرائیلی میڈیا نے دعویٰ کیا ہے کہ جنگ بندی کی صورت میں حزب اللہ دریائے لیطانی سے شمال تک پیچھے ہٹ جائے گا جبکہ اسرائیل جنوبی لبنان سے انخلاء کرےگا۔
امریکا کی نگرانی میں جنگ بندی کی نگران فورس کام کرےگی، لبنان اور اسرائیل کے درمیان سرحدی حدبندی پر مذاکرات ہوں گے۔
تجزیہ کاروں کا کہنا ہے کہ معاہدے کی موجودہ تفصیلات اسرائیل کے حق میں ہیں، اسرائیل جنوبی لبنان پر زمینی کارروائی کے دو اہم اہداف حاصل کرلےگا۔
