اسرائیل کی دفاعی فورس (آئی ڈی ایف) نے ایران پر فضائی حملے کیلیے روانہ ہونے والے لڑاکا طیاروں کی فوٹیج جاری کر دی۔
ٹائمز آف اسرائیل کی رپورٹ کے مطابق سوشل میڈیا پلیٹ فارم X پر ریلیز کی گئی فوٹیج میں دیکھا جا سکتا ہے کہ اسرائیلی فضائیہ کے لڑاکا طیارے جمعے کی علی الصبح ایران میں حملے کیلیے روانہ ہو رہے ہیں۔
یہ بھی پڑھیں: ہم اسرائیل کی تاریخ کے فیصلہ کن موڑ پر ہیں، نیتن یاہو
فوٹیج میں یکہ بھی دکھایا گیا کہ لڑاکا طیاروں نے ایران پر حملے کے بعد اسرائیل میں لینڈنگ بھی کی۔
The IDF releases footage showing Israeli Air Force fighter jets heading out for the strikes in Iran this morning, as well as landing following the attacks. pic.twitter.com/1xbif5i8gK
— Emanuel (Mannie) Fabian (@manniefabian) June 13, 2025
قبل ازیں، اسرائیلی فوج نے اپنے بیان میں کہا کہ 200 کے قریب لڑاکا طیاروں نے ایران پر حملے میں حصہ لیا، 100 سے زائد مقامات پر 330 حملے کیے گئے۔
واضح رہے کہ اسرائیل نے ایران کے خلاف باقاعدہ جنگ کا آغاز کرتے ہوئے فضائی حملوں میں جوہری تنصیبات اور 6 فوجی ادون کو نشانہ بنایا گیا۔
اسرائیل نے جمعہ کی صبح ایران کے درجنوں مقامات پر فضائی حملے کیے، دارالحکومت تہران کے شمال مشرقی علاقے میں بھی دھماکوں کی زور دار آوازیں سنی گئیں۔ ایرانی میڈیا نے دارالحکومت تہران کے شمالی، مغربی اور وسطی علاقوں پر حملےکی تصدیق کر دی۔
فضائی حملوں میں پاسداران انقلاب کے سربراہ میجر جنرل حسین سلامی، جوہری سائنسدان فریدون عباسی اور محمد مہدی، ختم الانبیاء ہیڈ کوارٹر کے کمانڈر میجر جنرل غلام علی راشد و دیگر شہید ہوگئے۔
دوسری جانب اسرائیل نے دعویٰ کیا ہے کہ تہران کے جوہری تنصیبات اور فوجی اہداف کو نشانہ بنا گیا، ایران سے اب کوئی ایٹمی خطرہ نہیں رہا۔
ایرانی صدر ڈاکٹر مسعود پزشکیان نے کہا کہ اپنے ایٹمی حقوق سے ایک قدم بھی پیچھے نہیں ہٹیں گے، یورینیم کی افزودگی کا سلسلہ جاری رہے گا۔
