غزہ میں اسرائیلی بربریت کی گواہی اور ثبوت مغربی میڈیا خود دے رہا ہے، بی بی سی کی جانب سے غزہ کی سیٹلائٹ تصاویر سامنے آئی ہیں جن سے ظاہر ہوتا ہے کہ صہیونی بمباری سے ایک لاکھ کے قریب عمارتیں تباہ ہو گئی ہیں۔
تفصیلات کے مطابق غزہ کے طول و عرض میں پھیلی تباہی کے مناظر اسرائیلی مظالم کی داستاں بیان کر رہے ہیں، اسرائیلی بمباری نے غزہ کا نقشہ بدل کر رکھ دیا ہے۔
Videos of the port of Gaza from before the Israeli assault on the strip and after show the scale of destruction inflicted on the besieged strip.
Nearly 100,000 buildings have been destroyed or damaged in Gaza since the start of Israel's assault on 7 October pic.twitter.com/47gVK8FdFv
— Middle East Eye (@MiddleEastEye) December 1, 2023
مساجد، رہائشی عمارتوں، اسپتالوں کو چن چن کر نشانہ بنایا گیا، بی بی سی کی طرف سے گزشتہ جمعرات (عارضی جنگ بندی سے قبل) کو لی گئی سیٹلائٹ تصاویر غزہ میں تباہی کی شدت کو ظاہر کرتی ہیں، بی بی سی کا کہنا ہے کہ ان تصاویر ظاہر ہوتا ہے کہ تقریباً 98,000 عمارتوں کو نقصان پہنچا ہے۔
ڈرون فوٹیج اور تصدیق شدہ ویڈیو میں یہ بھی دکھایا گیا ہے کہ اسرائیلی فضائی حملوں اور زمینی لڑائی کے بعد عمارتیں اور پورے کے پورے محلے ملبے کا ڈھیر بن گئے ہیں۔ اسرائیلی جارحیت کا سب سے زیادہ نشانہ شمالی غزہ رہا جہاں پٹی پر بڑے پیمانے پر تباہی پھیلی ہے۔
ترک میڈیا کا کہنا ہے کہ غزہ میں 26 سے زائد اسپتال، 55 مراکزِ صحت نے کام بند کر دیا ہے، 59 مساجد مکمل منہدم جب کہ 136 مساجد جزوی طور پر منہدم ہو گئی ہیں، غزہ کے تاریخی چرچ سمیت 3 گرجا گھروں کو بھی نقصان پہنچا۔ واضح رہے کہ اسرائیلی حملوں میں 15 ہزار سے زائد فلسطینی شہید ہو چکے ہیں۔
Israel has destroyed nearly 100,000 buildings in Gaza including hospitals, mosques and churches. Continued Israeli bombardment has led to the displacement of hundreds of thousands of Palestinians since the start of Israel’s war on Gaza pic.twitter.com/SJlC7cGD9v
— TRT World (@trtworld) December 1, 2023
