واشنگٹن : امریکی صدر ڈونلڈ ٹرمپ نے کہا ہے کہ اسرائیل اور ایران جنگ بندی پر اتفاق ہوگیا ہے، ان کا کہنا ہے کہ دونوں ملک باقاعدہ جنگ کے خاتمے کا اعلان کرینگے۔
یہ بات انہوں نے سوشل میڈیا پر اپنے پیغام میں کہی، امریکی صدر ڈونلڈ ٹرمپ کا اپنے پیغام میں کہنا ہے کہ تمام لوگوں کو مبارک ہو، اسرائیل اور ایران کے درمیان مکمل اور جامع جنگ بندی پر مکمل اتفاق ہوگیا ہے۔
انہوں نے بتایا کہ دونوں ملک باقاعدہ جنگ بندی کا اعلان کرینگے، تقریباً 6 گھنٹے بعد اسرائیل اور ایران اپنی جاری آخری کارروائیاں مکمل کرلیں گے، یہ جنگ بندی 12 گھنٹوں کیلئے ہوگی اور پھر جنگ کو ختم تصور کیا جائے گا۔
امریکی صدر ٹرمپ نے بتایا کہ اگلے 6گھنٹوں میں 12 روزہ جنگ بندی کا عمل شروع ہوجائے گا، دونوں فریقین پرامن اور باوقار رہیں گے۔
ایران اور اسرائیل نےحوصلہ ہمت اور دانشمندی دکھائی، خدا ایران اسرائیل مشرق وسطیٰ اور امریکا کو سلامت رکھے۔
ڈونلڈ ٹرمپ نے کہا کہ جنگ بندی کا باضابطہ طور پر آغاز ایران کرے گا جس کے 12ویں گھنٹے پر اسرائیل جنگ بندی شروع کرے گا۔
ایران، اسرائیل اور امریکی تنازع سے متعلق تمام خبریں جاننے کے لیے کلک کریں
24گھنٹے مکمل ہونے پر دنیا بھر میں “12روزہ جنگ”کے خاتمےکو سلامی دی جائے گی، جنگ بندی کے دوران دوسرا فریق پر امن اور باعزت رویہ اختیار کرے گا۔
اگر سب کچھ منصوبے کے مطابق چلا اور ایسا ہوگا تو میں دونوں ممالک، اسرائیل، ایران کو جنگ ختم کرنے کیلئےحوصلہ اور عقل مندی دکھانے پر مبارکباد دیتا ہوں۔
امریکی صدر ڈونلڈ ٹرمپ کا اپنے پیغام میں مزید کہنا تھا کہ یہ ایسی جنگ تھی جو برسوں جاری رہ سکتی تھی اور پورے مشرق وسطیٰ کو تباہ کر سکتی تھی۔
واضح رہے کہ اس حواہے سے عرب میڈیا کی جانب سے یہ رپورٹ کیا جارہا ہے کہ اسرائیل اور ایران نے تاحال اس جنگ بندی سے متعلق کوئی بیان جاری نہیں کیا ہے۔
