غزہ میں بھوکے پیاسے فلسطینیوں پر اسرائیلی حملے جاری ہیں، صہیونی افواج نے چوبیس گھنٹوں کے دوران 100 سے زائد فلسطینیوں کو شہید کر دیا، شہدا کی مجموعی تعداد 31 ہزار سے تجاوز کر گئی۔
فلسطینی وزارتِ صحت کے مطابق غزہ میں بھوک کی وجہ سے 25 افراد شہید ہو گئے، اقوام متحدہ کی ایجنسی (UNRWA) کا کہنا ہے کہ غزہ میں ہر طرف بھوک ہے۔
شمالی غزہ میں اسرائیلی حملے میں عورتوں اور بچوں سمیت 15 فلسطینی شہید اور متعدد زخمی ہو گئے، الجزیرہ کے مطابق 7 اکتوبر سے غزہ پر اسرائیلی حملوں میں کم از کم 31,045 فلسطینی شہید اور 72,654 زخمی ہو چکے ہیں۔
فلسطینی مزاحمت کاروں کی جانب سے بھی کارروائیاں جاری ہیں، انھوں نے جنوبی غزہ میں اسرائیلی فوج کے زیر استعمال ایک عمارت کو اڑا دیا، دوسری طرف مقبوضہ بیتِ المقدس میں صہیونی قابض فورسز نے سیکڑوں فلسطینیوں کو مسجد اقصیٰ میں داخل ہونے سے روک دیا۔
فلسطین میں اگلی حکومت ٹیکنو کریٹس کی ہوگی، محمود عباس کا اعلان
انتہا پسند اسرائیلی وزیر اعظم بنجمن نیتن یاہو نے مزید فلسطینیوں کو قید کرنے کے لیے نئی جیلیں بنانے کا حکم دے دیا ہے۔
