اسرائیل نے غزہ پر فوجی حکمرانی کے لیے امریکا سے بات چیت کی تیاری شروع کر دی۔
ٹائمز آف اسرائیل کی رپورٹ کے مطابق اسٹریٹجک امور کے وزیر رون ڈرمر اس ہفتے غزہ پر کنٹرول کے لیے اسرائیلی فوج کے ایک منصوبے پر بات کریں گے جن میں قومی سلامتی کے مشیر مائیک والٹز بھی شامل ہیں۔
ٹائمز نے ایک نامعلوم اسرائیلی اہلکار کے حوالے سے بتایا کہ ڈرمر آج واشنگٹن ڈی سی کے لیے روانہ ہو رہے ہیں۔
نیوز رپورٹ میں بتایا گیا ہے کہ اسرائیل کی حکومت نے اب تک "غزہ کی پٹی پر فوجی حکمرانی کے لیے دباؤ ڈالنے سے گریز کیا ہے لیکن وائٹ ہاؤس میں صدر ٹرمپ کے ساتھ "اسرائیل کی سوچ بدلی ہوئی دکھائی دیتی ہے۔
واضح رہے کہ ٹرمپ کی جانب سے غزہ پر دوبارہ وحشیانہ حملوں کے لیے اسرائیل کو گرین سگنل دیا گیا تھا اور اب غزہ پر فوجی حکومت کے لیے اپنے سب سے بڑے اتحادی کو اعتماد میں لیا جا رہا ہے۔
