اسرائیلی فوج نے غزہ کے پناہ گزین کیمپوں پر شدید بمباری کی ہے، جس کے باعث مزید 100 فلسطینی جام شہادت نوش کرگئے۔
غیر ملکی ذرائع ابلاغ کے مطابق اسرائیلی فوج کی جانب سے کی گئی بمباری کے نتیجے میں شہداء کی تعداد میں اضافے کا خدشہ ظاہر کیا جارہا ہے، زخمیوں میں سے بیشتر کی حالت نازک ہے۔
دوسری جانب روسی اور شامی فوجی طیاروں نے شمالی شام کے باغیوں کے زیرِ قبضہ شہر ادلب پر بمباری کی، جس میں 7 افراد ہلاک اور درجنوں زخمی ہوگئے۔
عسکری ذرائع کے مطابق جبکہ شام کے صدر بشار الاسد نے حلب شہر میں باغیوں کے قبضے کے بعد ان کے خلاف بھرپور طاقت کے استعمال کا عزم کیا تھا۔
بشار الاسد کا کہنا تھا کہ تمام دہشت گردوں اور ان کے حامیوں کا مقابلہ کیا جائے گا، ملکی استحکام اور علاقائی سالمیت کا دفاع کریں گے۔
سرکاری میڈیا پر شائع ہونے والے بیان میں بشار الاسد نے کہا کہ دہشت گرد صرف طاقت کی زبان سمجھتے ہیں اور ہم انہیں یہی زبان استعمال کرتے ہوئے کچل دیں گے۔
مقامی رہائشیوں نے بتایا کہ ایک حملہ ادلب کے مرکز میں ایک گنجان آباد رہائشی علاقے پر ہوا، جو ترکی کی سرحد کے قریب باغیوں کے علاقے کا سب سے بڑا شہر ہے، جہاں تقریباً چار ملین لوگ عارضی خیموں اور رہائش گاہوں میں زندگی گزار رہے ہیں۔
سعودی عرب: 164 سرکاری ملازمین گرفتار
ریسکیو حکام کے مطابق کارروائی میں کم از کم 7 افراد ہلاک اور درجنوں زخمی ہوئے۔ شامی فوج اور اس کے اتحادی روس کے ترجمان کا کہنا ہے کہ وہ عام شہریوں پر حملے کے بجائے صرف باغیوں کے ٹھکانوں کو نشانہ بناتے ہیں۔
