ایران کے اسرائیل پر جوابی حملے کے بعد اسرائیل میں ایمرجنسی نافذ کردی گئی ہے، شہریوں کو محفوظ علاقوں میں رہنے کی ہدایت کی گئی ہے۔
غیر ملکی ذرائع ابلاغ کے مطابق اسرائیلی وزیراعظم سمیت دیگر اہم رہنما محفوظ مقامات پر منتقل ہوچکے ہیں۔ اسرائیل میں ایمرجنسی نافذ کردی گئی ہے۔
اسرائیلی وزیراعظم نیتن یاہو کا کہنا ہے کہ اسرائیلی شہریوں کو طویل عرصے تک پناہ گاہوں میں رہنا پڑ سکتا ہے، شہری فوج کی ہدایات پر عمل کریں۔
واضح رہے کہ ایران نے جوابی وار کرتے ہوئے اسرائیل پر 100 ڈرونز سے حملہ کردیا ہے، اسرائیلی فوج کی جانب سے ایرانی حملے کی تصدیق کردی گئی۔
تفصیلات کے مطابق اسرائیلی حملے کے جواب میں ایران کی جوابی کارروائی کرتے ہوئے اسرائیل پر 100 ڈرونز سے حملہ کردیا۔
اسرائیلی فوج کی جانب سے ایرانی ڈرون حملے کی تصدیق کردی گئی اور کہا ہے کہ تقریباً 100 اہداف کو نشانہ بنایا گیا۔
یاد رہے آج صبح اسرائیل نے ایران پرفضائی حملہ کیا تھا، تہران میں پاسداران انقلاب کے صدر دفتر کواسرائیل نے نشانہ بنایا تھا۔
ایران کے سرکاری میڈیا نے اسرائیلی حملے میں پاسداران انقلاب کے کمانڈر حسین سلامی ایران کی جوہری ایجنسی کے سابق ڈائریکٹر فریدون عباسی اورآزاد یونیورسٹی کے سربراہ محمد مہدی تہرانچی کی شہادت کی تصدیق کردی۔
ایرانی قیادت کا اعلیٰ ترین سیکیورٹی اجلاس جاری ہے اور ملک بھر میں ہنگامی حالت کا اعلان کردیا گیا ہے۔
ایرانی میڈیا کے مطابق اسرائیلی حملوں سے متعدد رہائشی علاقے متاثر ہوئے ہیں اور ایران کی فضائی حدود پروازوں کیلئے بند کردی گئیں۔
اسرائیل اور امریکا کو بھاری قیمت چکانی پڑے گی، بریگیڈئیر جنرل ابوالفضل
روسی میڈیا کا کہنا تھا کہ اسرائیلی فضائی حملے میں تہران میں واقع کئی منزلہ عمارت منہدم ہوگئی۔
واضح رہے اسرائیل نے گزشتہ روزایران پر حملے کی دھمکی دیتے ہوئے امریکی اور یورپی حکام کو بھی آگاہ کر دیا تھا۔
