اسرائیلی فوج نے شام کے شہر تدمر میں فضائی حملہ کیا ہے، جس کے نتیجے میں 79 افراد جاں بحق ہوگئے۔
غیر ملکی ذرائع ابلاغ کے مطابق اسرائیلی فوج کے فضائی حملے میں جاں بحق ہونے والوں میں بعض کا تعلق ایرانی حمایت یافتہ تنظیم سے ہے۔
شامی مانیٹرنگ گروپ کے مطابق گزشتہ روز تدمر شہر میں اسرائیلی فضائی حملہ کیا، حملے میں جاں بحق 79 افراد میں 53 شامی، 22 غیرملکی اور 4 حزب اللہ کے حمایتی جنگجو شامل تھے۔
شامی مانیٹرنگ گروپ کے مطابق اسرائیلی طیاروں نے ایرانی حمایت یافتہ گروپوں کے اجلاس کو نشانہ بنایا تھا۔ عرب میڈیا کا کہنا ہے کہ شامی حکام نے تدمر میں اسرائیلی فضائی حملے میں جاں بحق ہونے والوں کی تعداد 36 بتائی ہے۔
دوسری جانب بین الاقوامی فوجداری عدالت نے غزہ جنگ سے متعلق مبینہ جنگی جرائم کے الزام میں اسرائیلی وزیراعظم بینجمن نیتن یاہو، کاؤنٹی کے سابق وزیر دفاع یوو گیلنٹ اور حماس کے رہنما محمد ضیف کے وارنٹ گرفتاری جاری کیے ہیں۔
وارنٹ میں نیتن یاہو اور گیلنٹ کو بیرون ملک سفر کرنے کی صورت میں گرفتاری کا لاحق ہے، ایسی غیرمصدقہ اطلاعات ہیں کہ حماس کے رہنما محمد ضیف کو اسرائیل نے ہلاک کیا ہے۔
عدالت کے چیف پراسیکیوٹر کریم خان نے مئی میں وارنٹ گرفتاری کی درخواست دیتے ہوئے کہا تھا کہ نیتن یاہو اور گیلنٹ کو غزہ میں بڑے پیمانے پر فاقہ کشی کا باعث بننے والے جنگی جرائم اور انسانیت کے خلاف جرائم کی ”مجرمانہ ذمہ داری”پر یقین کرنے کی معقول بنیادیں ہیں۔
نیتن یاہو کے وارنٹ گرفتاری، نیدر لینڈز کا بڑا بیان
جمعرات کو عدالت نے کہا کہ اسے یہ ماننے کے لیے معقول بنیادیں مل گئی ہیں کہ ضیف انسانیت کے خلاف جرائم اور قتل، تشدد، عصمت دری اور یرغمال بنانے سمیت جنگی جرائم کے لیے ذمہ دار ہے۔
