غزہ نسل کشی کیس کی حمایت کے بعد اسرائیل نے آئرلینڈ میں اپنا سفارت خانہ بند کرنے کا اعلان کر دیا۔

اسرائیل کا کہنا ہے کہ وہ ڈبلن کی طرف سے فلسطینی ریاست کو تسلیم کرنے اور غزہ میں اس کے اقدامات کے لیے بین الاقوامی عدالت انصاف (آئی سی جے) میں اسرائیل کے خلاف جنوبی افریقا کے نسل کشی کے مقدمے کی حمایت پر آئرلینڈ میں اپنا سفارت خانہ بند کر دے گا۔

اسرائیلی وزیر خارجہ گیڈون سار نے اتوار کو ایک بیان میں کہا کہ ڈبلن میں اسرائیل کے سفارت خانے کو بند کرنے کا فیصلہ آئرش حکومت کی انتہائی اسرائیل مخالف پالیسیوں کی روشنی میں کیا گیا ہے۔

سار نے مزید کہا کہ آئرلینڈ نے اسرائیل کے ساتھ اپنے تعلقات میں ہر سرخ لکیر کو عبور کیا ہے اسرائیل دنیا بھر کے ممالک کے ساتھ دوطرفہ تعلقات کو آگے بڑھانے کے لیے اپنے وسائل خرچ کرے گا، ان لوگوں کو ترجیح دے گا جو اسرائیل کے مفادات اور اقدار سے ہم آہنگ ہوں۔

آئرش Taoiseach (وزیراعظم) سائمن ہیرس نے اسرائیل کے فیصلے کی مذمت کرتے ہوئے اسے "انتہائی افسوسناک” قرار دیا۔