امریکی میڈیا نے انکشاف کیا ہے کہ لبنان میں جنگ شروع کرنے کے بعد امریکا اب اسرائیل کو ایک اور جدید میزائل ڈیفنس بھیجنے والا ہے۔
ایسوسی ایٹڈ پریس کے مطابق امریکی حکام نے بتایا ہے کہ بائیڈن انتظامیہ اسرائیل میں ٹرمینل ہائی آلٹیٹیوڈ ایریا ڈیفنس (THAAD) سسٹم بھیجنے پر غور کر رہی ہے۔
اے پی نے امریکی دفاعی عہدے داران کے حوالے سے بتایا کہ ابھی تھاڈ میزائل ڈیفنس سسٹم بھیجنے کا کوئی حتمی فیصلہ نہیں کیا گیا ہے، تاہم اسرائیل میں تھاڈ کی تنصیب کے بارے میں گزشتہ ہفتے کے آخر میں بات چیت ہوئی تھی۔
واضح رہے کہ اسرائیل میں صرف تھاڈ کی تنصیب ہی کافی نہیں ہے بلکہ اس پیچیدہ نظام کو چلانے کے لیے امریکی فوجیوں کو بھی تعینات کیا جائے گا۔
حماس کا کمپیوٹر اسرائیلی فوج کے ہاتھ لگ گیا، 7 اکتوبر کے حملے سے متعلق سنسنی خیز انکشافات
امریکی کانگریس کی ریسرچ سروس کی اپریل کی ایک رپورٹ کے مطابق فوج کے پاس 7 تھاڈ بیٹریاں ہیں، عام طور پر ان میں سے ہر ایک میں 6 ٹرکوں پر نصب لانچرز، 48 انٹرسیپٹرز، اور ریڈیو اور ریڈار کا سامان ہوتا ہے، اور اسے آپریٹ کرنے کے لیے 95 فوجیوں کی ضرورت پڑتی ہے۔
تھاڈ کو ’پیٹریاٹ میزائل ڈیفنس‘ کے لیے ایک اعزازی نظام سمجھا جاتا ہے، تاہم یہ 150 سے 200 کلومیٹر (93 سے 124 میل) کی حدود میں اہداف کو نشانہ بناتے ہوئے وسیع تر علاقے کا دفاع کر سکتا ہے۔
