اسرائیلی قابض فوج نے الشفا اسپتال کے ڈائریکٹر محمد ابو سلامیہ کو رہا کر دیا۔
عرب میڈیا کا اس حوالے سے کہنا ہے کہ ابو سلامیہ کو 23 نومبر 2023 کواسرائیلی فوج نے حراست میں لیا تھا۔
دوسری جانب مقبوضہ بیت المقدس میں یہودی الٹرا آرتھوڈکس فرقے نے حکومت مخالف مظاہروں کا آغاز کردیا۔
- Advertisement -
اسرائیلی میڈیا کا کہنا ہے کہ یہودی الٹرا آرتھوڈکس کے مظاہرے میں وزیر یتزاک گولڈ نوف کی گاڑی پر پتھراؤ کیا گیا۔
گھڑ سوار پولیس دستے نے یہودی مظاہرین پر چڑھائی کی تو مظاہرین نے پولیس پر پتھراؤ کیا۔
واضح رہے کہ غزہ شہر میں اسرائیلی فوج کی جانب سے بربریت کا سلسلہ جاری ہے، چوبیس گھنٹوں میں 45 سے زیادہ فلسطینی شہید ہوگئے۔
رپورٹ کے مطابق اسرائیلی فوج کے رہائشی عمارت پر حملے میں 3 فلسطینی شہید اور متعدد زخمی ہوگئے۔ حماس کے جوابی حملوں میں 2 اسرائیلی فوجی واصل جہنم ہوئے۔
