اتل ابیب : اسرائیلی وزیردفاع کاٹز نے تہران کے شہریوں سے انتقام لینے کی دھمکی واپس لے لی اور کہا ایرانی شہریوں کونقصان پہنچانےکا ارادہ نہیں۔
تفصیلات کے مطابق اسرائیلی وزیردفاع کاٹز نے تہران کے شہریوں سے انتقام لینے کی دھمکی کے بعد تازہ ترین بیان میں کہا کہ ایرانی شہریوں کو نقصان پہنچانے کا ارادہ نہیں۔ اسرائیل ایرانی شہریوں کو نقصان نہیں پہنچانا چاہتا۔
اس سے پہلے ایکس پر اپنے ایک پیغام میں اسرائیلی وزیر دفاع نے دھمکی دی تھی کہ تہران کے رہائشیوں کو اسرائیل پر ایرانی حملوں کی قیمت ادا کرنی پڑے گی، جب اسرائیل اپنے اہداف کو نشانہ بنائےگا، انھیں اپنے گھر اور علاقے چھوڑنے پڑیں۔
مزید پڑھیں : ایرانی حملوں کی قیمت تہران کے رہائشی ادا کریں گے، اسرائیلی وزیر دفاع کی دھمکی
ایرانی سپریم لیڈر کا حوالہ دیتے ہوئے کاٹز نے لکھا تھا کہ تہران کا گھمنڈ کرنے والا ڈکٹیٹر ایک بزدل قاتل بن گیا ہے، جان بوجھ کر اسرائیل کے عام شہریوں کو نشانہ بنایا جو ایران کی کمزورہوتی صلاحیتوں کو ظاہر کرتی ہے۔ تہران کے باشندے جلد اس کی قیمت ادا کریں گے۔
