غزہ کے علاقے دیر البلح میں صلاح الدین اسٹریٹ پر اسرائیلی فوج کی جانب سے شدید بمباری کی گئی، اسرائیلی فوج کی جانب سے داغے گئے میزائل کی ویڈیو بھی منظر عام پر آگئی۔
غیر ملکی ذرائع ابلاغ کے مطابق فوٹوز اینڈ ویڈیوز شیئرنگ ایپ انسٹاگرام پرایک ویڈیو وائرل ہورہی ہے جس کی تصدیق الجزیرہ نے بھی کی ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ اسرائیلی میزائل غزہ کے مرکزی علاقے دیر البلح میں صلاح الدین اسٹریٹ کو نشانہ بنا رہے ہیں، جبکہ اس دوران لوگ اپنی جان بچانے کے لئے دوڑ رہے ہیں۔
View this post on Instagram
رپورٹس کے مطابق آج اسرائیلی حملوں کے باعث غزہ کی محصور پٹی میں کم از کم 42 افراد جام شہادت نوش کرگئے۔
واضح رہے کہ اسرائیلی فوج کی غزہ میں جارحیت کا سلسلہ تاحال جاری ہے، قابض فوج روزانہ نہتے فلسطینیوں پر گولیاں اور بم برسارہی ہے، 15 ماہ میں 45 ہزار سے زائد شہریوں کو شہید کردیا ہے۔
غزہ پر اسرائیلی بربریت کے باعث شہریوں کی شہادتوں میں مسلسل اضافہ ہو رہا ہے، جس سے انسانی بحران شدت اختیار کر رہا ہے۔
حوثیوں کا اسرائیل پر میزائل حملہ، سائرن بج اُٹھے
واضح رہے کہ غزہ میں 7 اکتوبر 2023 سے کم از کم 45,581 فلسطینی شہید اور 108,438 زخمی ہو چکے ہیں۔
