یروشلم : اسرائیل نے مسجد اقصیٰ کو نمازیوں کے لیے غیر معینہ مدت تک بند کر دیا، کوویڈ کے بعد پہلی بار ہے کہ مسجدِ کو غیر معینہ مدت تک کے لیے بند کیا گیا ہے۔
تفصیلات کے مطابق اسرائیل نے مسجد اقصیٰ کے دروازے بند کر دیے، مسجد اقصیٰ کو غیر معینہ مدت تک بند کرتے ہوئے فلسطینیوں کو داخلے سے روک دیا۔
مغربی کنارے میں بھی لاک ڈاؤن نافذ کردیا گیا ہے، اسرائیلی فورسز نے فجر کی نماز کے بعد مسجد پر دھاوا بولا اور وہاں موجود نمازیوں کو زبردستی نکال دیا۔
فورسز نے نمازیوں کو بیدخل کرنے کے بعد اور مسجد کے تمام دروازے بند کر دیے۔
واضح رہے کہ مسجد اقصیٰ کی بندش اور نمازیوں پر پابندی مذہبی آزادی کے بنیادی حق کی کھلی خلاف ورزی ہے۔
کوویڈ کے بعد پہلی بار ہے کہ مسجدِ اقصی کو غیر معینہ مدت تک کے لیے بند کیا گیا ہے۔
دوسری جانب ایران پر حملے کے بعد اسرائیل نے مقبوضہ مغربی کنارے میں تمام چیک پوائنٹس بند کر دیں اور فلسطینیوں کی آمدورفت پر پابندی لگا دی۔
فلسطینی بغیر خصوصی اجازت کے مقبوضہ مغربی کنارے سے باہر نہیں جاسکیں گے جبکہ غزہ میں اسرائیلی فوج کی کارروائیاں شدت اختیار کرگئیں ہیں۔
