فلسطینیوں پر انسانیت سوز مظالم ڈھانے والے اسرائیل نے غزہ میں وسیع پیمانے پر زمینی کارروائی شروع کرنے کا اعلان کر دیا
آپریشن میں فوج کی جنوبی کمان کی افواج شامل ہیں جو شمالی اور جنوبی غزہ دونوں میں زمین پر کام کر رہی ہیں۔
زمینی افواج کو اسرائیل کی فضائیہ کی مدد حاصل ہے۔ غزہ پر اسرائیل کے تازہ حملوں میں آج کم از کم 135 افراد شہید ہو چکے ہیں جن میں خواتین اور بچوں کی بڑی تعداد شامل ہے۔
وزیر اعظم نیتن یاہو نے کہا ہے کہ نئے حملے کا مقصد حماس کو شکست دینا ہے اور اسرائیلی افواج غزہ میں "داخل اور پھر باہر نہیں نکلیں گی” یہ تجویز کرتے ہوئے کہ ایک غیر معینہ مدت تک فوجی قبضے کی ضرورت ہے۔
منصوبے کے تحت نیتن یاہو نے یہ بھی کہا ہے کہ غزہ کی آبادی کو "اپنے تحفظ کے لیے منتقل کیا جائے گا”۔
نامعلوم اسرائیلی حکام نے خبر رساں ایجنسیوں کو بتایا کہ اس منصوبے میں پوری غزہ کی پٹی کی "فتح” شامل ہے۔
اسرائیلی منصوبے میں جنوبی غزہ میں ایک نئے "انسانی ہمدردی کے زون” کے قیام کا بھی تصور پیش کیا گیا ہے جو امداد کے لیے ایک اڈے کے طور پر کام کرے گا، جس کی نگرانی اب آزاد انسانی تنظیمیں نہیں کرے گی۔
اسرائیل کے اس منصوبے کی بڑے پیمانے پر مذمت کی گئی ہے، اقوام متحدہ کے سربراہ گوٹیریس نے کہا ہے کہ یہ لامحالہ مزید بے شمار شہریوں کی ہلاکت اور غزہ کی مزید تباہی کا باعث بنے گا۔
اسرائیلی فوج کا کہنا ہے کہ اس نے غزہ کے شمال سے جنوب تک حماس اور دیگر فلسطینی مسلح گروپوں کے خلاف ایک بڑا زمینی حملہ شروع کر دیا ہے۔
