منامہ: صدر اسحاق ہرزوگ بحرین کا دورہ کرنے والے پہلے اسرائیلی صدر بن گئے۔
غیر ملکی میڈیا کے مطابق اسرائیلی صدر اسحاق ہرزوگ خلیجی ریاست بحرین کا دورہ کرنے والے پہلے اسرائیلی سربراہ مملکت بن گئے۔
اسرائیلی صدر نے شاہ حمد بن عیسیٰ الخلیفہ اور ولئ عہد شیخ سلمان بن حمد الخلیفہ سے ملاقات کی، اس موقع پر دونوں رہنماؤں نے علاقائی سلامتی و تجارت سمیت دیگر مسائل پر تبادلہ خیال کیا۔
اسرائیل کی غزہ پر وحشیانہ بمباری میں 5 سالہ بچی سمیت 8 فلسطینی شہید
ہرزوگ نے اتوار کو یہ دورہ 2020 میں دونوں ممالک کے درمیان سفارتی تعلقات کے معمول پر آنے کے بعد کیا ہے۔ دوسری طرف اسرائیلی صدر کے دورے کے خلاف منامہ میں فلسطین کے حق میں بڑی تعداد میں شہریوں نے جمع ہو کر احتجاج کیا۔
Protests in Manama city against the visit of the Israeli president Isaac Herzog to Bahrain. pic.twitter.com/GvHegb8E3X
— Palestine Electronic Forces (@PEFMISSIONS) December 4, 2022
ہرزوگ کے ہمراہ صنعت اور کاروباری نمائندوں کا ایک وفد بھی تھا، جس کا بحرین پہنچنے پر وزیر خارجہ عبداللطیف بن راشد الزیانی نے استقبال کیا۔ دونوں ممالک نے نجی شعبے کے نمائندگان کے درمیان روابط استوار کرنے کے حوالے سے خصوصی طور پر غور خوض کیا۔
Israeli President Isaac Herzog visited Bahrain on Sunday on the first trip by an Israeli head of state to the small Gulf kingdom, following the normalisation of relations in 2020.https://t.co/crLiO9ehFu
— AFP News Agency (@AFP) December 4, 2022
شاہ حمد بن عیسیٰ الخلیفہ نے کہا کہ ان کا ملک ایک منصفانہ، جامع اور پائیدار امن کے حصول کی حمایت کرتا ہے، جو فلسطینی عوام کے جائز حقوق کی ضمانت دیتا ہو، اور یہ فلسطینی اور اسرائیلی عوام کے ساتھ ساتھ خطے کے تمام لوگوں کے لیے استحکام، ترقی اور خوش حالی کا باعث بنے گا۔
اسرائیلی صدر ہرزوگ شاہ بحرین کے لیے ایک تحفہ بھی لائے۔
