ترک صدر رجب طیب اردوان نے کہا ہے کہ اسرائیلی وزیراعظم نیتن یاہو ظلم میں ہٹلر کو بہت پیچھے چھوڑ چکے ہیں۔
ترک صدر نے پارلیمنٹ سے خطاب میں اسرائیلی وزیراعظم پر شدید تنقید کی اور انہیں ہٹلر سے بڑا ظالم قرار دیا۔
انہوں نے کہا کہ اسرائیل کی دہشت گردی کے خلاف ایران کا دفاع فطری، جائز اور قانونی حق ہے اسرائیل کے پاس خود جوہری ہتھیار ہیں اور وہ اپنےجوہری پروگرام میں کسی بھی بین الاقوامی قوانین کو تسلیم نہیں کرتا۔
ترک صدر طیب اردوان امریکی صدر ڈونلڈ ٹرمپ اور روسی صدر پیوٹن سے ٹیلیفونک رابطہ کر چکے ہیں جس میں انہوں نے اسرائیل ایران تنازع پر تبادلہ خیال کیا ہے۔
ترک صدر نے گفتگو میں کہا کہ اسرائیلی حملے پورے خطے کی سلامتی کے لیے خطرہ ہیں، نیتن یاہو حکومت کی لاقانونیت عالمی نظام کے لیے خطرہ ہے خطہ ایک اور جنگ کا متحمل نہیں ہو سکتا۔
انہوں نے کہا کہ ایران سے متعلق مسائل کا واحد حل سفارتکاری ہے غزہ میں نسل کشی سے توجہ ہٹانے کے لیے اسرائیل غلط اقدامات کر رہا ہے۔
روسی صدر نے کہا کہ ایران پر اسرائیلی جارحیت کی مذمت کرتے ہیں کشیدگی ختم کرنے کے لیے سفارتی راستہ اپنانا ضروری ہے۔
ترک صدر نے ایران اسرائیل کشیدگی ختم کرنےکے لیے فوری اقدام پر زور دیا ہے، صدر اردوان نےکہا ترکیہ جوہری پروگرام پر تنازع کے حل کے لیے کردار ادا کرنےکے لیے تیار ہے۔
