غزہ میں اسرائیل کی جارحیت کا سلسلہ تھمنے کا نام نہیں لے رہا، سیف زون قرار دیے گئے رفح کے علاقے المواسی پر اسرائیلی حملوں میں 11 فلسطینی شہید جبکہ 40 زخمی ہو گئے۔
غیر ملکی ذرائع ابلاغ کے مطابق وسطی غزہ اور دیرالبلاح میں اسرائیلی بم باری سے 4 فلسطینی جام شہادت نوش کرگئے، اس کے علاوہ نصیرات کیمپ میں اسرائیلی حملے سے سول ڈیفنس کے 3 ارکان شہید ہو گئے۔
غزہ سٹی کے علاقے شجائیہ میں اسرائیلی فوج نے تیسری بار چڑھائی کر کے فلسطینیوں کو انخلاء کے احکامات جاری کردیئے ہیں۔
دوسری جانب امریکہ، روس اور جرمنی کی جانب سے اپنے شہریوں کو لبنان کا سفر نہ کرنے کی تنبیہہ جاری کی گئی ہے۔
رپورٹ کے مطابق بیروت میں امریکی سفارت خانے کے بیان میں لبنان کے لیے موجودہ سفری انتباہ پر نظرثانی کا مطالبہ کیا گیا۔
پیرو میں 7.0 شدت کا زلزلہ، سونامی کی وارننگ جاری
جاری کئے گئے بیان میں لبنان میں امریکی شہریوں کو تنبیہہ کی گئی ہے کہ وہ لبنان کے جنوب اور لبنان شام سرحدی لائن یا پناہ گزین کیمپوں کی جانب نہ جائیں۔