اسرائیلی فوج کی جانب سے غزہ کو قبرستان میں تبدیل کرنے کے اب لبنان میں بھی خون کی ہولی کھیلنے کا سلسلہ شروع کردیا گیا ہے۔
غیر ملکی ذرائع ابلاغ کے مطابق حکام کا کہنا ہے کہ لبنان میں اسرائیلی حملوں میں شہید ہونے والوں کی تعداد 2 ہزار23 تک پہنچ گئی ہے۔
لبنانی حکام کا کہنا ہے کہ اسرائیلی بربریت کا نشانہ بننے والوں میں 261 خواتین اور127 بچے بھی شامل ہیں جبکہ زخمیوں کی تعداد 9 ہزار526 تک پہنچ گئی ہے۔
دوسری جانب امریکی اور برطانوی طیاروں نے الحدیدہ ایئرپورٹ، صنعا اور دمار شہر کو نشانہ بنایا ہے۔
یمن کے حوثی المسیرہ ٹی وی نے رپورٹ کیا ہے کہ امریکی اور برطانوی فضائی حملوں نے الحدیدہ ایئرپورٹ، صنعا اور دمار شہر پر بمباری کی ہے۔
جبکہ یمن کے حوثیوں کی جانب سے اسرائیل کے دارالحکومت تل ابیب کے نواحی شہر‘یافا’کے ایک کلیدی ہدف پر حملے کا دعویٰ سامنے آرہا ہے۔
آئرلینڈ نے اسرائیلی درخواست مسترد کردی
حوثیوں کے ترجمان یحییٰ السیری کا ویڈیو پیغام میں کہنا ہے کہ یافا میں ایک کلیدی ہدف کو ڈرون طیاروں کے ساتھ نشانہ بنایا گیا ہے۔
واضح رہے کہ اسرائیل کی طرف سے اس حملے سے متعلق تا حال کوئی بیان جاری نہیں کیا گیا۔
