یروشلم: فلسطین میں قابض اسرائیلی فوج کی جارحیت کا سلسلہ برقرار ہے، آج ایک اور فلسطینی نوجوان کو فائرنگ کرکے شہید کردیا۔
تفصیلات کے مطابق وحشی اسرائیلی فوج نے درندگی کی انتہا کردی آج مزید ایک فلسطینی کو فائرنگ کر کے شہید کردیا جبکہ اس موقع پر متعدد فلسطینی زخمی بھی ہوئے جنہیں اسپتال میں طبی امداد فراہم کی جارہی ہے۔
عالمی خبر رساں ادارے کا کہنا ہے کہ اسرائیلی فوج کی جانب سے فلسطین کے علاقے راملہ میں چھاپہ مار کارروائی کی گئی اس دوران فلسطینیوں کی جانب سے مزاحمت کی گئی جبکہ اس موقع پر اسرائیلی فوج نے فائرنگ کردی جس کے نتیجے میں ’ازیدین تمیمی‘ نامی نوجوان شہید ہوگیا۔
اسرائیلی فائرنگ سے باہمت فلسطینی رضا کار شہید، جنازے میں ہزاروں افراد کی شرکت
دوسری جانب اسرائیلی فوج نے ہرزہ سرائی کرتے ہوئے کہا ہے کہ راملہ کے علاقے میں پہلے اسرائیلی فوجیوں پر پھتراؤ کیا گیا جس کے باعث ہمارا ایک فوجی شدید زخمی بھی ہوا ہے تاہم ہم نے جوابی کارروائی کی جس کے باعث اس فلسطینی کی ہلاکت ہوئی۔
خیال رہے کہ دو روز قبل فلسطین میں دوران احتجاج اسرائیلی اسپائنرز کی فائرنگ سے نوجوان رضاکار روزن النجار زندگی کی بازی ہار گئی تھیں، اس جواں سال رضا کار کو اس وقت نشانہ بنایا گیا، جب وہ دوران احتجاج زخمیوں کو طبی امداد فراہم کر رہی تھی۔
اسرائیل غزہ پر ٹوٹ پڑا، درجنوں مقامات پر زبردست بم باری
یاد رہے کہ اس وقت فلسطین میں اسرائیلی فوج کی ظالمانہ کارروائیاں عروج پر ہیں، مئی کے آخر میں غزہ کی پٹی پر 35 سے زائد مقامات پر اسرائیلی فورسز نے درجنوں فضائی حملے کیےتھے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
