سرپھرے اسرائیل کی اقوام متحدہ سلامتی کونسل میں بیٹھ کر بھی دھمکیاں نہ رک سکیں۔
اسرائیلی ایلچی نے دھمکی دی کہ حزب اللہ نے حملے کیے تو لبنان پر مکمل جنگ ہو گی۔ غزہ میں عام شہریوں پر بمباری کرنے والا اسرائیل عالمی قانون کا ذکر کرتا رہا۔
اقوام متحدہ کی سلامتی کونسل سے خطاب کرتے ہوئے ایلچی گیلاد اردان نے مطالبہ کیا کہ لبنانی سرزمین سے اسرائیل پر حملے بند کیے جائیں۔
- Advertisement -
انہوں نے کہا کہ لبنان سے ایرانی حمایت یافتہ حملوں کی وجہ سے پچاس ہزار اسرائیلی شہری شمالی سرحد کے ساتھ بے گھر ہوئے ہیں یہ حملے اسرائیل کی خودمختاری، بین الاقوامی قانون اور سلامتی کونسل کی قراردادوں کی صریح خلاف ورزی ہیں۔
ان کا کہنا تھا کہ اسرائیل اپنا دفاع کرے گا، میں نے اس کونسل کو لاتعداد بار خبردار کیا ہے۔
