اسرائیلی خاتون نے حماس کے جنگجوؤں کے اچھے رویے کی گواہی دیتے ہوئے کہا میں بہت خوفزدہ تھی ، جنگجوؤں نے کہا ڈرو نہیں ہم مسلمان ہیں، تمھیں نقصان نہیں پہنچائیں گے۔
تفصیلات کے مطابق اسرائیلی خاتون بھی حماس کے جنگجوؤں کی تعریف کئے بغیر نہ رہ سکیں ، اسرائیلی خاتون نے انٹرویو کے دوران حماس کے حملے کے وقت گزرا ہوا احوال بتاتے ہوئے کہا کہ حماس کے جنگجو پوچھ کر گھرمیں داخل ہوئے، میں بہت خوفزدہ تھی۔
اسرائیلی خاتون کا کہنا تھا کہ جنگجوؤں نے مجھ سےکہا پریشان نہ ہوں، ہم مسلمان ہیں، ہم نقصان نہیں پہنچائیں گے ، ان کی یہ بات سن کرمیری پریشانی کافی کم ہوگئی۔
خاتون نے کہا کہ انہوں نے میری اجازت سے دو گھنٹے قیام کیا، مجھے اور میرے دو بچوں کو کوئی نقصان نہیں پہنچایا۔
اسرائیلی خاتون کا مزید کہنا تھا کہ گھر میں کیلے رکھے تھے،جنگجو نے پوچھا ایک کیلا کھالوں،میں نے کہا ہاں کھالو ، اس کے بعد دروازہ بند کرکے چلے گئے۔
